Ráðgeving til foreldur (0-18 ár)​

​

Eg bjóði vegleiðing og ráðgeving til foreldur, ið hava avbjóðingar við sínum barni ella børnum í aldrinum 0-18 ár.

Endamálið er at skapa eitt trygt rúm, har tú sum foreldur kanst fáa innlit í tína støðu og fáa stuðul til at finna nýggjar møguleikar og loysnir.

​

Eg kann hjálpa, eitt nú tá tú ert stúrin, upplivir trupulleikar í gerandisdegnum, ella tú hevur tørv á ráðgeving í samband við samstarv við stovnar og myndugleikar.

​

Hvat kann eg ráðgeva við?

​

Eg kann hjálpa við ráðgeving tá barnið:

• mistrívist

• verður happað

• hevur ADHD

• ikki mennist sum javnaldrarnir

• ella eitthvørt annað

​

Eisini kann eg hjálpa, um tú upplivir avbjóðingar í gerandisdegnum, t.d.

​

• torført at samskifta við barnið ella tannáringin

• nógv klandur ella ósemjur

• at barnið ikki vil á stovn ella í skúla

• ella eitthvørt annað

 

Eg bjóði eisini ráðgeving, um tú sum foreldur hevur spurningar ella ivamál, tá tannáringurin er LGBT+ persónur og tørvur er á betri fatan og stuðli.

​

Mín háttur at arbeiða​

​

Eg arbeiði við støði í virðing, innliving og fakligari vitan. Tað er týdningarmikið fyri meg, at tú kennir teg hoyrdan og tiknan í álvara.​​